-----簡介「台語俗諺100句」
王振義
「台語詩歌班」e同學，攏是關心臺灣文化e志士，李雲騰老先生就是即（chit4-）款e有心人。李老先生原本是中學老師，退休了後，專心撲（phah4-）拼收集臺灣諺語合（kap4-）歌謠。伊將伊自費出版e「台語俗諺100句」第一輯，送互「台語詩歌班」e每一位學員。我將即本臺灣俗諺一口氣讀了了，感覺所收e攏是真好e諺語。所以寫幾句介紹至大家知。
「諺語」與「歌謠」到底有什差別咧？我e粗淺看法是安爾（ni；ne）：
「歌謠」是一種詩詞，屬文學範圍，卡重（tiong7-）音樂性，容易化作歌唱；「諺語」，是經驗合智慧e表現，卡有哲理與警世e作用，比較卡倚（oa2-）倫理學?範圍。歌謠是文學性、抒情性，所以重押韻，篇幅也卡長；諺語重理無重秀（sui2），所以無一定著押韻，而且常常只有一、二句。
李老師所收集e100「首」諺語，攏總是二句成對，閣有押韻，之（che1）是即(chit4-)冊諺語最大的特色。即種有押韻、對句的諺語，事實上已經合歌謠真接近，之大概是我讀起來感覺真爽快?主要原因。將即種含有哲學意味的諺語，化做歌句，實在真好勢。事實上我以前著已經用李老師集e「人生親像大舞台，苦齣笑料攏總來」即句諺語，化做歌句，做「一門三魁」即齣戲e結尾：
人生親像大舞台
苦齣笑詼（khoe1 \ khe1）攏齊（chiau5-）來
一人一（it）生演一擺（paiN2）
富貴貧賤自僬（chhiau5-）排
即本「台語俗諺」會得講攏是「金句」，容（iong5-）我介紹幾句，互大家做參考。
1.「捷（chiap8-）罵不聽，捷打昧痛」：有人教育子兒真嚴，有人真鬆，但是「嚴官府，出厚（kau7-）賊」，捷撲、捷罵，伊的子兒也無一定著會卡乖，因為「捷罵不聽，捷打昧痛」，甚至感覺「捷撲若撲拍（phek4），捷罵若唱曲」咧。
2.「歹命人愛看命，醜（bai2-）查某愛照鏡」： 歹命人期待會當轉運，所以愛看命；看命先生知影即種心理，所以一定會講好話互伊聽，「看命無褒，食水跎（to1）無」。人講「查某囝仔十八變」，所以醜查某愛照鏡，照看何時會變秀（美）。短短二句話將人的「心理」合「行為」e因果關係，解釋及（kah4-）真徹底。
台語因為長期間合文字脫節──讀冊人讀?、寫?攏用文言（言書語）──所以真濟（che7-）口語音攏無適當的字通（thang1-）寫，之(che1)是研究台灣文化e人普遍遇著e難題。畤（ti7-）用字猶無統一?現此時，使用一套標音符號來註明讀音，實在有迫切?需要。為著即?需要，李老師費兩三年?時間學習羅馬字（白話字），所有?諺語，伊攏用羅馬字注音，讀者未有不知卜安怎讀?疑問。之也是即本冊?優點。親像吳贏濤先生?「台灣諺語」即本冊，因為無注音，所以真濟字我攏昧曉讀，相信別e讀者嗎有不知卜安怎讀e困難。
